PROGRAMA BAKOITZEKO IRITZIA:
LIM Lim erabiltzeko ez da zertan ezer instalatu ordenagailuan, internetetik zuzenean sar daiteke. Ordenagailuarekin erabiltzeaz gain, arbel digitalarekin ere erabil daiteke. Aukera hau oso garrantzitsua da arbel digitala gero eta gehiago erabiltzen delako eskoletan eta hemendik eta urte batzuetara ezinbesteko tresna izango da.
Cuadernia ez bezala, Lim-en bitartez jarduerak ebaluatu daitezke. Hortaz gain, jarduera erakargarriak ditu, aurrerabideen kontrola ere posible da eta gainera bere erabilera erraza da, bai irakasleentzat bai ikasleentzat ere.
JCLIC
Gaur egun, merkatuan aurki ditzakeen programarik hoberenetarikoa da hau, gainera, doain da. Programa hau, oso interesgarria da, umeekin gauza asko landu daitekeelako, adibidez, irakurketan, idazkeran, kalkuluan, ulermen idatzitan, ortografian...arazoak dituzten umeentzat tresna oso baliagarria da bai umearentzat baita irakaslearentzat ere. Esan beharra dago, ez bakarrik arazoak dituzten umeekin landu beharra dagoenik, klasea desberdin bat sortzeko ere balio duelako, esaterako, ipuin bat kontatzeko ipuin horren inguruan ariketak egiteko eta abar.Irakasleei bere lanak konpartitzeko aukera ematen die eta hau oso lagungarria izan daiteke edozein hezitzailearentzat.
CONSTRUCTOR
Programa hau, eduki irekiak eta konpartitzeko prest jaio zen. Ariketa interaktiboak oso era errazean sor ditzakegu, gainera Moodle plataformara zuzenenan igotzeko aukera ematen digu, hau irakasleentzat oso baliagarria izanda.
CUADERNIA
Cuadernia programa, jclic-ekin konparatuz, okerragoa dela esango dugu. Programa honi, jardueren aspektu ebaluagarria falta zaio, eta horrek ikasleak betetzen duen jarraipena ikusten usten du. Ikusten dugun beste akats bat honako hau da; lotzekoak diren jardueretan agertzen diren argazkiak oso txikiak dira, beraz ikasleei zaila egiten zaie horiek antzematea.
Bestetik, interesgarria iruditu zaigu testuari buruzko ariketak sartzea, non ikasleak hizkiak idazten dituen eta programa berak zuzentzea, erantzuna aurretik sartua. Ariketa hau asko erabiltzen da hizkuntzetan.
HOT POTATOES
Funtzio asko dituen programa da Hot Potatoes, instalatzeko erreza eta ia-ia akatsik gabe. Oso era errazean egin ditzakegu ariketak argazkiak eta soinuak sartuz.Gainera doain da. Erraminta ezin hobea irakasleentzat, honen bidez, ariketa interaktiboak sortu ahal dituztelako modu erraz eta entretenigarri batean.
ARDORA
Ardorarekin irakaskuntzarako jarduera dibertigarriak eta hezigarriak egin daitezke ikasleentzako. Programa hau, irakasleak beste modu batean irakasteko egina dago, baina jarduera online-ak eratzeko ezaguera teknikoak ez edukitzea.
Hemen irakaslea jardueretara erantsi nahi dituen elementuetan soilik zentratu behar da, eta ez hauen erakuntzan. Ardora, web orrialdea eta artxiboa jarduerarekin eratzeaz arduratzen da.
Ardora oso erosoa da erabiltzeko eta jarduera ezberdinak eskaintzen dizkizu, hala nola, 45 mota desberdin, esaterako; puzleak, oroimenarekin lotuta duten jarduerak, kalkulozko jarduerak…
Bukatzeko esan, ardora programa erdaraz dagoela baina hortaz gain badago beste hizkuntza askotan jartzeko aukera. Programa hau ere doain da.
Hau guztia kontutan izanda, esan behar dugu, bata edo bestea aukeratu behar badugu, Jclic aukeratuko genukeela, agian, gehien ezagutzen dugun programa delako, gure esperientzia programa honekin ezin hobea izan da, ariketa asko, desberdin eta entretenigarriak sortu ahal direlako modu erraz eta sinple batean. Gainera umeentzat oso erakargarriak direla, pentsatzen dugu.